चलचित्र पत्रकार संघ, दाङ अध्यक्षमा सन्तोष केसी

लेन्सनेपाल २०७९ माघ १०

चलचित्र पत्रकार संघ नेपाल, दाङ शाखाको अध्यक्षमा सन्तोष केसी निर्वाचित भएका छन् । आइतबार सम्पन्न पाँचौ जिल्ला अधिवेशनबाट आगामी ३ वर्षको लागि सन्तोष नर्विरोध अध्यक्षमा निर्वाचित भएका हुन् ।

यस्तै संघको उपाध्यक्षमा पुर्ण केसी, सचिवमा.निरला अर्याल, सह–सचिवमा.तीर्थराज चौधरी, कोषाध्यक्षमा.भुपेश ओली र सदस्यहरुमा आषिश के.सी., झग्गु भण्डारी, रमेश सुनार र एकराज भण्डारी निर्वाचित भएका छन् ।

दाङमा सम्पन्न अधिबेशनमा चलचित्र पत्रकार संघका पूर्व केन्द्रिय अध्यक्ष शान्तिप्रिय, केन्द्रिय संगठन उपाध्यक्ष कुबेर डंगोल, कलाकार रमित ढुङ्गाना, निर्देशक ऋषीराज आचार्यलगायतको उपस्थिति रहेको थियो ।

सो अवसरमा केन्द्रिय उपाध्यक्ष डंगोलसहित बिभिन्न ब्यक्तिहरुलाई सम्मान समेत गरिएको थियो ।