चलचित्र बिकास बोर्डको सदस्यमा निर्देशक राजु केसी नियुक्त

लेन्सनेपाल २०७९ चैत्र २०

चलचित्र बिकास बोर्डको सदस्यमा निर्देशक तथा छायाँकार राजु केसी नियुक्त भएका छन् । मन्त्री स्तरिय निर्णयबाट बढीमा दुई बर्षका नियुक्त भएका राजुले सोमबार नियुक्तिको पत्र बुझेका छन् । सञ्चार तथा सूचना प्रविधिमन्त्री रेखा शर्माले केसीलाई मन्त्रीस्तरीय निर्णयबाट सदस्यमा नियुक्त गरेकी हुन् ।

सन् १९९४ मा रिलिज भएको चलचित्र ‘प्रेमपुजा’मा सहायक निर्देशक भई चलचित्र क्षेत्रमा प्रवेश गरेका राजुले ‘धर्ती’ नामको चलचित्र निर्देशन गरि निर्देशकका रुपमा आफ्नो पहिचान बनाएका हुन् । डेढ दर्जन चवलचित्रमा छायाँकारका रुपमा समेत काम गरेका राजुले कयौं चलचित्रमा मुख्य सहायक निर्देशकका रुपमा समेत काम गरेका छन् ।

नवनियुक्त सदस्य केसी चलचित्र निर्देशक समाजका पूर्व उपाध्यक्ष समेत हुन् ।