चलचित्र ‘फटाह फणिन्द्रे’ बन्दै कार्म

लेन्सनेपाल २०७७ माघ २९

चलचित्र ‘फटाह फणिन्द्रे’ बन्ने भएको छ । अरुण खड्काको निर्माण तथा निर्देशनमा बन्ने चलचित्रको शिर्ष भूमिकामा महेश शाक्य ‘कार्म’को अभिनय रहने छ । यस्तै अभिनेत्रीका रुपमा चलचित्रमा सुष्मा कार्की र छुल्टिम गुरुङको पनि अभिनय रहने छ ।

श्रीराम बालाजी फिल्मस् र अरुण फिल्म प्रोडक्सन प्रालीको संयुक्त ब्यानरमा निर्माण हुने चलचित्रको प्रस्तुतकर्ता सुनिल मानन्धर हुन् । विक्रम सिंह गुरुङ निर्माता र नेत्र बिष्ट कार्यकारी निर्माता रहेको चलचित्रमा रोशन श्रेष्ठको द्धन्द, विपिन मल्लको सम्पादन, ईश्वरलाल सिंकेमनको छायाँकन, उत्तम केसीको कथा, हिमाल उप्रेती, सुशिल पोखरेल र अरुण खड्काको पट्कथा र सम्वाद रहेको छ ।

यसअघि अरुणले ‘तिम्रो लागि’, ‘पाठशाला’ ‘चलेछ बतास सुस्तरी’लगायत केही चलचित्र निर्माण गरेका थिए । यो उनको पहिलो निर्देशकिय चलचित्र हुनेछ ।