चलचित्र ‘एक्लो १’को शुभमुहूर्त, बिहीबारबाट छायांकन सुरु हुने

लेन्सनेपाल २०८१ भाद्र १२

प्रदीप शाहीको निर्देशन रहने चलचित्र ‘एक्लो १’को शुभमुहूर्त गरिएको छ । बुधबार बिहान भद्रकाली मन्दिरमा पुजा गर्दै शुभमुहूर्त गरिएको हो । चलचित्रको छायाँकन भने बिहीबारबाट शुरु हुनेछ ।

चलचित्रमा प्रदीप खड्का, जेमी बेकन, विजय लामा, त्रिचु राई, सुनिल थापा, दीया पुन, दिनेश डिसी, सुरज सिंह ठकुरी, कविता नेपाली र एवनराज उप्रेतीको अभिनय रहनेछ ।

यसै चलचित्रमा अभिनय गर्न बेलायती अभिनेता जेमी बेकन मंगलबार नेपाल आइपुगेका हुन् । शुभमुहूर्त कार्यक्रममा जेमीले मिडियासँग कुरा गर्दै नेपाली चलचित्रमा सहकार्य गर्न पाउँदा आफू उत्साही रहेको बताए । छायांकनपूर्व शुभसाइत गर्ने चलन आफूलाई मनपरेको भन्दै यसलाई आश्चर्यजनक, आध्यात्मिक र धार्मिकरुपमा नेपाली संस्कार र संस्कृति निकै महत्वपूर्ण लागेको अनुभव सुनाए ।

चलचित्रको छायांकन काठमाडौं र उपल्लो मुस्ताङमा गरिने छ । ४५ दिनको छायाँकन सेड्युल रहेको चलचित्रका कार्यकारी निर्माता क्षितिज सुवेदी खत्री हुन् ।