‘एकलब्य’को गीत ‘मलाई बनायौँ किन’ सार्वजनिक

लेन्सनेपाल २०७६ श्रावन ३

चलचित्र ‘एकलब्य’को गीत ‘मलाई बनायौँ किन’ सार्वजनिक गरिएको छ । युवराज चौलागाईं र मेलिना राईको स्वर रहेको उक्त गीतमा राजेन्द्र बजगाईंको शब्द, संगीत र रामजी लामिछानेको कोरियोग्राफी छ ।

पारिवारिक प्रेमकथा भनिएको ‘एकलब्य’लाई अनमोल शर्माले निर्देशन गरेका हुन् । चलचित्रमा सोनम थापा मगर, ओसिन भट्टराई, पुस्कर राउत, सुमन ढकाल, सुशील पोखरेल, शुष्मा कार्की, महिमा सिलवाल, राजेन्द्र दुलाल, विराग लोगुनलगायतका कलाकारको अभिनय रहेको छ ।

अभि फिल्मसको व्यानरमा निर्मित चलचित्रमा राजेन्द्र बजगाईंको संगीत, भोजराज देवकोटाको पटकथा र संवाद, कृष्ण श्रेष्ठको छायाँकन र अर्जुन जिसीको सम्पादन छ ।