फ्रान्सेली चलचित्र ‘दिग्वी’को छायाङ्कन नेपालमा हुने

लेन्सनेपाल २०७९ आषाढ २०

फ्रान्सेली चलचित्र ‘दिग्वी’को छायाङ्कन नेपालमा हुने भएको छ । लोकेसन खोज्न नेपाल आइपुगेको निर्देशक एलन सिमोनसहितको टोलीले यसबारे जानकारी दिएको हो ।

फ्रान्सेली भाषामा निर्माण हुने चलचित्रको छायाङ्कन काठमाडौँ र सगरमाथा क्षेत्रको नाम्चे आसपासमा हुने भएको हो । ३५ दिनको छायाङ्कन तालिका राखिएको चलचित्रमा नेपाली कलाकारको समेत अभिनय रहनेछ । कार्यक्रममा नेपाल लाइन प्रोड्युसर नेपाल फिल्म प्रोडक्सन प्रालिका प्रमख दिग्विजय भारती र सुरेश अधिकारीले चलचित्रमा नेपाली टोली पनि हुने बताए ।

रक ओपेरा सङ्गीतका चर्चित फ्रान्सेली सङ्गीतकार, निर्देशक तथा लेखकसमेत रहेका सिमोनले ९० प्रतिशत छायाङ्कन नेपाल र बाँकी फ्रान्समै हुने जानकारी दिएका छन् ।