चलचित्र ‘देववाणी’को टिजर सार्वजनिक

लेन्सनेपाल २०८१ कार्तिक ६

चलचित्र ‘देववाणी’को टिजर सार्वजनिक गरिएको छ । मंसिर ७ गते रिलिज हुने चलचित्रको टिजर मंगलबार सार्वजनिक गरिएको हो ।

सार्वजनिक टिजरमा कलाकार कुन्दन भारद्वाजले आफ्नो गाउँका हरेक नागरिकको रक्षा गर्न गरेको संघर्षलाई देखाइएको छ । टिजरमा एक्सन, रोमान्स र थ्रिलर समेटिएको छ । टिजरमा कुन्दनसँगै कलाकारहरु अनुजा लेप्चा, सुनिल थापा, रविन्द्र झा, ध्रुव कोइराला र भारतीय कलाकार ह्यारीलाई देखाइएको छ ।

बाबु साहेब बलामी निर्देशित चलचित्रमा नन्दु श्रीवास्तव, अमिता श्राप, मौसम पौडेल, देव सिंह, प्रदीप ढकाल, लक्ष्मीनाथ तिमल्सिना र मौसम पौडेलको पनि अभिनय छ ।

मौसम फिल्मस् प्रोडक्सन हाउस र अनुजा इन्टरटेनमेन्टको व्यानरमा निर्माण भएको चलचित्रमा निराजन मेहता मन्जिलको पटकथा तथा संवाद, हरिबहादुर घलेको छायांकन, श्री श्रेष्ठ र देव महर्जनको द्वन्द्व, रामजी लामिछाने र तेन्जु योञ्जनको कोरियोग्राफी, मनोहर सुनाम र सन्तोष प्रगाढको संगीत र बन्दे प्रसादको सम्पादन छ ।

चलचित्रमा मिना खड्का र हिराबहादुर लेप्चा निर्माता छन् । चलचित्रको कार्यकारी निर्माता मनकुमार लेप्चा र रमेश ढुंगेल ‘झापाली’ हुन् । चलचित्र नेपाली र हिन्दी भाषामा निर्माण भएको छ ।