चलचित्र ‘डिग्री माइला’को टिजर सार्वजनिक

लेन्सनेपाल २०८० फागुन ८

चलचित्र ‘डिग्री माइला’को टिजर सार्वजनिक गरिएको छ । रामबाबु गुरुङ निर्देशित चलचित्रको टिजरमा डिग्री पास गरेका दयाहाङ राईसँग स्थानीय शिक्षकहरुले गरेको प्रश्नोत्तरलाई कमेडी शैलीमा प्रस्तुत गरिएको छ । साथै आँचल शर्मासँग र दयाहाङ बिचको रोमान्टिक गीतको एक अंश र बाउ–छोराबीचको गन्थनमन्थन पनि समेटिएको छ ।

आगामी बैशाख १ गतेका लागि प्रदर्शन मिति तय भएको चलचित्रमा दयाहाङ र आँचल अलवा माओत्से गुरुङ, प्रकाश घिमिरे, विजय बराल, बुद्धि तामाङ, कमलमणी नेपाल, सोमनाथ खनाल, लोकेन्द्र लेखक, अनिल सुब्बा, पशुपति राई, हिउँवाला गौतम, शेखर चापागाईं लगायतको अभिनय छ । विशाल गुरुङ, मणिराम पोखरेल, मधु मिराज र सुष्मा गुरुङ निर्माता रहेको चलचित्रका कार्यकारी निर्मातामा सिमोन कृष हुन् ।