Mahajatra

‘मिस्टर नेपाली’को ‘डंका पिट्यो’ सार्वजनिक

२०७६ कार्तिक २८
‘मिस्टर नेपाली’को ‘डंका पिट्यो’ सार्वजनिक

चलचित्र ‘मिस्टर नेपाली’मा समावेश ‘डंका पिट्यो’ बोलको गीत सार्वजनिक गरिएको छ । गीतमा देव भुषालको शब्द, दिपक शर्माको संगीत र डेभिड शंकरको स्वर रहेको छ ।

गीतमा साहिल श्रेष्ठ, कुसुम राउत, नन्दु श्रीवास्तव, विष्णु सापकोटा, रवि डंगोल लगायतका कलाकारको नृत्य रहेको छ । कविराज गहतराजको कोरियोग्राफी रहेको गीतमा निरज कँडेलको छायांकन र जीवन थापाको सम्पादन छ ।

देव भुषालको लेखन तथा निर्देशन रहेको चलचित्रलाई प्रेमराज दाहालले निर्माण गरेका हुन् । चलचित्रमा भूवन केसी, सरोज खनाल, कमलमणी नेपाल, रीमा विश्वकर्मा लगायतका कलाकारको पनि मुख्य भूमिका छ ।

चलचित्रले विदेशमा रहेपनि नेपालीपन हराउँदैन भन्ने कथालाई उठान गरेको छ । केही दिन अगाडि अमेरिकामा भएको विशेष शोमा यो चलचित्रलाई रुचाइएको थियो ।