‘दाल भात तरकारी’को गीत सार्वजनिक

लेन्सनेपाल २०७५ माघ १२

चलचित्र ‘दाल भात तरकारी’मा समावेश पहिलो गीत ‘भिजिट भिसामा’ सार्वजनिक गरिएको छ । शुक्रबार काठमाण्डौमा एक कार्यक्रमको आयोजना गरि चलचित्रका समावेश लोक फ्लेवरको रोमान्टिक गीत सार्वजनिक गरिएको हो । शम्भुजित बास्कोटाको संगीतमा तयार भएको गीतमा निशान भट्टराई र अन्जु पन्तको स्वर तथा बरिष्ठ हाँस्य कलाकार हरिवंश आचार्यको शब्द छ ।

सुदन केसीको निर्देशन रहेको चलचित्रका प्रस्तुतकर्ता किरण केसी हुन् । महसंचारको ब्यानरमा निमार्ण भएको चलचित्रमा हरिवंश आचार्य, मदनकृष्ण श्रेष्ठ, निरुता सिंह, प्रियंका कार्की, पुष्पल खड्का, आँचल शर्मा, बर्षा राउत, राजाराम पौडेल, शिवहरि पौडेल, विल्सन विक्रम राई, शिशिर वाङदेललगायतका कलाकारको अभिनय छ ।

आगामी बैशाख १३ गतेबाट प्रदर्शन हुने जनाइएको चलचित्रमा रमिला आचार्य, नरेन्द्र कंसकार, शिवहरि पौडेल र यमन श्रेष्ठको लगानी रहेको छ । हरिवंश आचार्यको कथा, पटकथा तथा संवाद रहेको चलचित्रमा कविराज गहतराजको कोरियोग्राफी, दिर्घ गुरुङको छायाँकन र मित्र डी गुरुङको सम्पादन रहेको छ ।