Mahajatra

‘छक्का पञ्जा ४’को गीत ‘दर्शन सलाम’ सार्वजनिक

२०७९ माघ १६
‘छक्का पञ्जा ४’को गीत ‘दर्शन सलाम’ सार्वजनिक

चलचित्र ‘छक्का पञ्जा ४’को गीत ‘दर्शन सलाम’ सार्वजनिक गरिएको छ । सार्वजनिक गीतमा स्वस्तिमा खड्का, राज आचार्य, दिपकराज गिरी, दिपाश्री निरौला, केदार घिमिरे, बुद्धि तामाङ, निर्मल शर्मालगायतका कलाकारको नृत्य देख्न सकिन्छ । यसै चलचित्रबाट अभिनेताको रुपमा अघि आएका राजले बाल कलाकारको रुपमा थुप्रै सफल चलचित्रमा काम गरिसकेका छन् ।

सार्वजनिक गीतमा राजेन्द्र थापाको शब्द, दिपक शर्माको संगीत, डेभिड शंकर र सहिमा श्रेष्ठको स्वर र कबिराज गहतराजको कोरियोग्राफी रहेको छ । फागुन १९ गतेबाट प्रदर्शन हुने चलचित्र राजनीतिक विषयवस्तुमा आधारित छ । भिडियो हेर्दा निर्वाचनमा होमिएका उमेदबारको चुनावी सभामा गीत प्रस्तुत गरेको छनक देखिन्छ ।

हेमराज विसीको निर्देशन रहेको चलचित्रमा बेनिशा हमाल, नीर शाह, मलिना जोशीलगायतका कलाकारको पनि अभिनय रहेको छ । चलचित्रको कार्यकारी निर्मातामा केदारप्रसाद घिमिरे र निर्मल शर्मा छन् ।