चलचित्र ‘कप्स’को गीत सार्वजनिक

लेन्सनेपाल २०७५ फागुन ९

चलचित्र ‘कप्स’को गीत सार्वजनिक गरिएको छ । राजधानीमा आयोजित एक कार्यक्रमका बिच चलचित्रको ‘तिमी र म’ बोलको गीत सार्वजनिक गरिएको हो । रोमान्टिक गीतमा बिजय घिमिरे र नीतु गुरुङको स्वर रहेको छ भने शब्द र संगीत विजय घिमिरेकै हो । शिशिर खातिको कोरियोग्राफी रहेको गीतमा अनुप बिक्रम शाही र सन्दिपा लिम्बुलाई फिचर्ड गरिएको छ ।

२०७६ बैशाख २७ गतेलाई प्रदर्शन मिति तय गरिएको चलचित्रलाई सम्राट सापकोटाले निर्देशन गरेका हुन । प्राय खलनायकको रुपमा काम गर्दै आएका अनुपबिक्रम शाहीले यो चलचित्रमा सच्चा प्रहरी अधिकृतको भूमिका निभाएका छन् ।

चलचित्रमा अनुप र सन्दिपाको अलवा अमित गिरी, रामराज क्षेत्री, पुरन जोशी, नन्दु श्रीवास्तब, सुन्दर श्रेष्ठ, बब्लु विक्रम थापा, अनुपमा भण्डारी, रोशन सुवेदी लगायतका कलाकारको अभिनय रहेको छ । आर्या मुभिज र सारा श्री मुभिजको संयुक्त व्यानरमा निर्माण भएको चलचित्रलाई राम शाक्यले निर्माण गरेका हुन ।