२७ लाखमा बिक्यो ‘चिसो एष्ट्रे’को अष्ट्रेलिया राइटस्

लेन्सनेपाल २०७८ फागुन २७

नेपालमा प्रतिक्षित चलचित्र ‘चिसो एष्ट्रे’को अष्ट्रेलिया राइटस् महंगो रकममा बिक्रि भएको छ । निर्माता महेश बाबु तिमिल्सिनाले दिएको जानकारी अनुसार उक्त राइटस् २७ लाख नेपालीमा बिक्रि भएको हो ।

अष्ट्रेलियाको कमेरो इभेन्ट्सले ३० हजार अष्ट्रेलियन डलरमा प्रदर्शन अधिकार लिएको जनाइएको छ । हालको मुद्रा एक्सचेन्ज रेट अनुसार यो रकम २७ लाख नेपाली बराबर हुन आउँछ । हालै निर्माण कम्पनी कंगारु क्रिएसन र लोकल सिनेमाका तर्फबाट महेशबाबु र कमेरो इभेन्ट्सका तर्फबाट सुरज सुवेदीले औपचारिक सम्झौता गरेका छन् ।

दिन्स पाल्पालीको लेखन तथा निर्देशन रहेको चलचित्र यतिबेला प्रतिक्षित बनिरहेको छ । चलचित्रमा दिव्य देव, सृष्टि श्रेष्ठ, निकुन श्रेष्ठ, नविन लम्साल, सुशील पाण्डे, रविन तामाङ आदि कलाकारको अभिनय रहेको छ ।

प्रबिन स्याङ्बा र सुष्मिता पराजुली निर्माता रहेको चलचित्रका कार्यकारी निर्माता महेशबाबु तिमल्सिना हुन् । चलचित्रका सहनिर्मातामा भने रुपेश ढुंगाना, नविन ढुंगाना र सुजन खतिवडा रहेका छन् ।

चलचित्र चैत ४ अर्थात् आउँदो शुक्रबार नेपालमा प्रदर्शन हुँदैछ ।