Mahajatra

चलचित्र ‘चिलगाडी’ निर्माणको औपचारिक घोषणा

२०७७ कार्तिक ७
चलचित्र ‘चिलगाडी’ निर्माणको औपचारिक घोषणा

चलचित्र ‘चिलगाडी’ निर्माणको औपचारिक घोषणा गरिएको छ । फुलपातीको अवसर पारी चलचित्र निर्माणको घोषणा गरिएको हो ।

सेलिब्रेटी नेपालको ब्यानरमा बन्ने चलचित्रलाई सञ्चारकर्मी रघुनाथ सापकोटाले निर्माण गर्नेछन् । जनकदिप पराजुलिको निर्देशन रहने चलचित्रमा नाजिर हुसेनको मुख्य भुमिका रहने तय भएको छ भने अन्य कलाकारको छनौट बाँकी छ ।

सामाजिक विषयवस्तुमा आधारित भएर निर्माण हुने चलचित्रको पटकथा तथा संवाद यम थापाले लेखेका हुन् । सागर प्रधानले छायाँकन गर्ने चलचित्र फागुनमा फ्लोरमा जाने र अर्को वर्ष दशैंमा प्रदर्शन गर्ने लक्ष्य राखिएको छ।