घटस्थापनाको दिन छक्का पञ्जा ३, चलचित्रको ट्रेलर सार्वजनिक

२०७५ असोज ६
घटस्थापनाको दिन छक्का पञ्जा ३, चलचित्रको ट्रेलर सार्वजनिक

चलचित्र छक्का पञ्जा ३ को ट्रेलर सार्वजनिक गरिएको छ । राजधानीमा आयोजना गरिएको एक कार्यक्रमका बिच चलचित्रको ट्रेलर सार्वजनिक गरिएको हो । ट्रेलर सगै चलचित्रको प्रर्दशन मिति पनि रिलिज गरिएको छ । अब चलचित्र घटस्थापनाको दिनबाट प्रदर्शनमा आउँने छ ।

यसअघि छक्का पन्जा ३ दशैँमा भन्दै आएको निर्माण युनिटले दशैंमा नै रिलिज हुने अर्को चलचित्र जय भोलेसँगको सहमति पछि रिलिज डेट सार्वजनिक गरेको हो । कार्यक्रममा छक्का पन्जा ३ का निर्माता दिपकराज गिरीले अर्को चलचित्र जय भोलेको रिलिज डेट समेत घोषणा गरिदिएका छन् । उनका अनुसार जय भोले फुलपातिको दिनबाट प्रदर्शन हुने सहमति भएको छ । जय भोलेका निर्माता अशोक शर्मा र आफ्नो बिचमा पटक पटकको छलफल पछि फरक–फरक मितिमा प्रदर्शन गर्ने सहमति भएको उनले बताएका छन् ।

दिपाश्री निरौलाको निर्देशन रहेको चलचित्र छक्का पञ्जा ३ मा दिपकराज गिरी, दीपिका प्रसाईं, जितु नेपाल, केदार घिमिरे, बुद्धि तामाङ्ग, लक्ष्मी गिरी, संजोग कोइराला, शिवहरी पौडेल, प्रियंका कार्की लगायतको अभिनय रहेको छ । चलचित्रमा पुरुषोत्तम प्रधानको छायाँकन, कविराज गहतराजको कोरियोग्राफी, दिपक शर्मा र अर्जुन पोखरेलको संगीत रहेको छ ।

LPT
Gaun Aayeko Bato