‘बुलाकी’को गीत ‘दुनियाँलाई सम्झाई देउन’ सार्वजनिक

लेन्सनेपाल २०७९ चैत्र १०

चलचित्र ‘बुलाकी’को दोस्रो गीत सार्वजनिक गरिएको छ । सार्वजनिक ‘दुनियाँलाई सम्झाई देउन’ बोलको लिरिकल गीतमा कलाकारहरु नरेन खड्का, सुरक्षा पन्त र डेव्यु अभिनेता बिराज बिष्टबीचको त्रिकोणात्मक प्रेमलाई प्रस्तुत गरिएको छ ।

सविन सेञ्चुरी र बादल थापाको शब्द र संगीत रहेको सार्वजनिक गीतमा बादल थापाको स्वर रहेको छ । लक्ष्यमण सुनारको निर्देशन रहेको चलचित्र बैशाख १ गतेबाट प्रदर्शन हुँदैछ ।

टोपेन्द्र विष्टले निर्माण गरेको चलचित्रमा कर्णालीको जीवन प्रस्तुत गरिएको छ । चलचित्रमा रमेश बुढाथोकी, लक्ष्मी गिरी, कुलदीप अधिकारी, सुशील पोखरेललगायतका कलाकारको पनि अभिनय रहेको छ ।