तुलसी घिमिरेको ‘पहाड’मा विपिनको र्‍याप

लेन्सनेपाल २०८१ असोज २१

तुलसी घिमिरेको निर्देशनमा बन्न लागेको चलचित्र ‘पहाड’को एक गीतमा अभिनेता विपिन कार्कीले स्वर दिएका छन ।

आइतबार काठमाण्डौँको महाराजगञ्जमा रहेको भेनस रेकर्डिङ स्टूडियोमा विपिनले एक र्‍याप गीत गाएका हुन् । बरिष्ठ संगीतकार रंञ्जित गजमेरको संगीत रहेको गीतमा घिमिरेकै शब्द रहेको छ । घिमिरेका अनुसार गीतमा भारती घिमिरे र अन्य एक गायकको पनि स्वर रहने छ । चलचित्रमा जम्मा चार वटा गीत रहने छ ।

आगामी तिहार लगत्तै छायाँकनमा निस्किने पहाडमा विपिन कार्की सहित मदनकृष्ण श्रेष्ठ, सुनील थापा लगायत चिर परिचित कलाकारहरुको अभिनय रहने छ ।

५० प्रतिशत नेपालका विभिन्न पहाडी भेगमा छायाँकन हुने चलचित्रको बाँकी ५० प्रतिशत छायाँकन मुम्बईमा हुने छ ।