वुवा आमाको सम्झनामा भुवनको ल्याए ‘बाबा आमा’

लेन्सनेपाल २०८१ मंसिर २

‘बाबा आमा’ बोलको गीतको भिडियो सार्वजनिक गरिएको छ । सार्वजनिक गीतमा भुवन लोहनीको शब्द, दिपक शर्माको संगीत र शिव परियारको स्वर रहेको छ ।

गत वर्ष फुलपातिको दिन पाल्पाको रानिमहल नजिकै भएको कार दुर्घटनामा गीतकार भुवनले आफ्ना परिवार नै गुमाएका थिए । जसमा उनका वुवा, आमा, भाउजु र भतिजाको आमाको निधन भएको थियो । सोही पीडालाई उनले गीत मार्फत प्रस्तुत गरेका छन् । आफ्ना बुबा आमाको वार्षिकी पारेर उनले गीत सार्वजनिक गरेका हुन् ।

गीतको भिडियोमा सरोज खनाल, सूर्यमाला खनाल, भुवन लोहनी, साईना डंगोल, आशामायाँ डंगोल, संजोग अधिकारी, प्रान्भी अधिकारी, अकलमान डंगोल, सुरेन्द्र डंगोललगायतका कलाकारले अभिनय गरेका छन् । अमेरिका रहेका भुवन गीतकार तथा कलाकार हुन् ।

विशाल घिमिरेले निर्देशन गरेको भिडियोको कार्यकारी निर्माता सौगात बस्नेत हुन् । जसमा नवराज उप्रेतीको छायाँकन, सौगात बस्नेतको सम्पादन, राजेन्द्र मोक्तानको रंग संयोजन रहेको छ ।