‘पशुपति प्रसाद २ः भष्मे डन’को रफ्तार आइतबार पनि उस्तै

लेन्सनेपाल २०८० कार्तिक ५

पहिलो दिनमै झन्डै साढे २ करोड ४० लाखको ओपनिङ ब्यापार गरेको चलचित्र ‘पशुपति प्रसाद २ः भष्मे डन’ आइतबार पनि सोही रफ्तारमा अघि बढेको छ । दशैंको अवसर पारेर शनिबारबाट प्रदर्शनमा आएको चलचित्रले नेपालमा ८५ प्रतिशत भन्दा बढीको अकुपेन्सी कायम गरेको थियो । आइतबार पनि चलचित्रको अकुपेन्सी यस्तै देखिएको छ । निर्माण कम्पनी टुकी आर्ट्सले पहिलो दिनको ब्यापार सार्वजनिक गरेको हो ।

काठमाडौंका प्रायः मल्टीप्लेक्समा चलचित्र हाउसफुल भएको छ भने मोफसलका हलहरुमा पनि उस्तै क्रेज देखिएको छ । सकारात्मक ‘वर्ड अफ माउथ’ प्राप्त भएकाले दशैंको ६ दिन लामो विदामा चलचित्रको ब्यापार उत्साहजनक नै रहने अनुमान गरिएको छ ।

दीपेन्द्र के. खनालको निर्देशन रहेको चलचित्रमा विपिन कार्की, सौगात मल्ल, स्वस्तिमा खड्का, रविन्द्र सिंह बानियाँ, माओत्से गुरुङ, प्रकास घिमिरे, लोकेन्द्र लेखक, मिस्श्री थापा, सजन थापा मगर, विभु पौडेल लगायतको अभिनय छ । चलचित्रका लेखक तथा निर्माता खगेन्द्र लामिछाने हुन् ।