दिपेन्द्रको ‘वरदान’मा नम्रता र दयाहाङ

लेन्सनेपाल २०७७ फागुन १०
दिपेन्द्रको ‘वरदान’मा नम्रता र दयाहाङ

छोटो चलचित्र ‘वरदान’ निर्माण भएको छ । दीपेन्द्र लामाको निर्देशनमा बनेको चलचित्रमा दयाहाङ राई नम्रता श्रेष्ठले मुख्य भुमिकामा अभिनय गरेका छन् ।

मानसिक स्वास्थ्य र आत्महत्या रोकथामको विषय उठान गरेको चलचित्रमा विविध कारणले आत्महत्याको प्रयास गर्न बाध्य एक नारीको कथा देखाइएको छ ।

कोसिस नेपालको निर्माण रहेको चलचित्र २० मिनेट लामो छ । चलचित्रमा नम्रता र दयाहाङका अलवा प्रवीण खतिवडा, लुनिभा तुलाधर, पुष्कर गुरुङ, जयनन्द लामा, शारदा गिरी, सुनिता श्रेष्ठ, कृष्णभक्त महर्जनलगायतका कलाकारको अभिनय रहेको छ । चलचित्रमा शैलेन्द्र डि कार्कीको छायांकन, निमेष श्रेष्ठको सम्पादन, शैलेस श्रेष्ठको संगीत र उत्तम न्यौपानेको साउन्ड डिजाइन रहेको छ ।

चवलचित्र केही हप्तापछि अनलाइन प्लेटफर्ममा रिलिज हुने जनाइएको छ ।