बाल मनोविज्ञानको कथामा ‘अस्तित्व’ सार्वजनिक

लेन्सनेपाल २०८० असोज १६

बाल मनोविज्ञानको कथामा बनेको भिडियो ‘अस्तित्व’ सार्वजनिक गरिएको छ। राजधानीमा आयोजित एक कार्यक्रमका बीच सार्वजनिक गीतमा श्रेय अगस्तिको स्वर, संकेत अगस्तिको संगीत र सुविध गुरागाईंको शब्द रहेको छ।

सुवास दाहालको प्रस्तुतीमा बनेको भिडियोमा नुर दाहाल, गौरी मल्ल, सपना पोखरेल, अन्जना कुइंकेल पाठक, सुगम भट्टराई, महाबिर पुन (अतिथि कलाकार) र सुवास दाहालको अभिनय रहेको छ।

भिडियोमा संकेत अगस्तिको निर्देशन, खेमनाथ खनालको क्रियटिभ निर्देशन, दिनेश पराजुलीको छायांकन र शिलन लम्सालको सम्पादन र कलर करेक्सन रहेको छ।