Mahajatra

पंचायतकी कलाकार अश्विनीलाई टप मोडलको ताज

२०७८ फागुन ३
पंचायतकी कलाकार अश्विनीलाई टप मोडलको ताज

चलचित्र पंचायतकी कलाकार अश्विनी कोईरालाले भारतको मुम्बईमा सम्पन्न मिस एण्ड मिसेस वोल्ड्वाईडको ग्राण्ड फिनालेमा टप मोडलको ताज प्राप्त गरेकी छिन ।

होटल सि प्रिन्सेस मुम्बईमा सम्पन्न कार्यक्रममा सहभागी हुन अश्विनी केही दिन अघि मुमबई गएकी हुन् । नेपालमा प्लस टु सम्मको अध्ययन सकेकी अश्विनी सम्भवत त्यही बसेर आफ्नो करियरलाई अघि बढाउने छिन । मंगलबार बिहान मुम्बईबाट कुरा गर्दै उनले उक्त ताजले आफुलाई थप उत्साह दिएको बताएकी छिन ।

एमडी फिल्मोरा मिडिया नेटवर्कको आयोजनामा भएको कार्यक्रमका बिच दादा साहेब फाल्के ईण्डियन टेलिभिजन अवार्ड २०२२ समेत प्रदान गरिएको थियो । उक्त अवार्ड केही भारतिय टेलिकार्यक्रममा समेत अभिनय गरेकी अश्विनीकी आमा तथा कलाकार नितु कोइरालालाई दिइएको थियो ।