‘अन्तरे’ बन्ने भए ‘बुलबुल’ का ‘चोपेन्द्र’

लेन्सनेपाल २०७६ कार्तिक २७

पहिलो चलचित्र ‘बुलबुल’मा निभाएको चोपेन्द्रको भूमिकाबाट चर्चामा आएका मुकुन भुषालले ‘अन्तरे’मा काम गर्ने भएका छन् । सत्यराज चौलागाईंको निर्देशन रहने ‘अन्तरे’मा उनको मुख्य भुमिका रहने छ ।

यसै साता उनी चलचित्रमा आवद्ध भएका हुन् । चलचित्रको स्कृप्ट मन परेका कारण आफु अन्तरे बन्न तयार भएको उनको भनाई छ । रेड आइज फिल्म्सको ब्यानरमा निर्माण हुन लागेको चलचित्रमा राज पण्डित र सुबास राईको लगानी रहने छ ।

फागुनको पहिलो साताबाट छायाँकनमा जाने तयारी गरिरहेको चलचित्रका लागि अन्य कलाकारको खोजि भइरहेको जनाइएको छ ।