अनमोल अभिनित चलचित्र क्याप्टेन फागुन १७ मा प्रदर्शन हुने

लेन्सनेपाल २०७५ असोज २०

चलचित्र क्याप्टेनको प्रदर्शन मिति तय गरिएको छ । फागुन १७ का लागि चलचित्रको प्रदर्शन मिति तय गरिएको हो । यसअघि विभिन्न मितिमा चलचित्र प्रदर्शन हुने भनिएपनि अफिसियल प्रदर्शन मिति भने सार्वजनिक गरिएको थिएन ।

भिएफएक्सका कारण केहि समय लाग्ने र भिएफएक्स गर्ने टिमले त्यो डेटसम्ममा सम्पुर्ण काम सक्ने जानकारी दिएकोले फागुनमा प्रदर्शनको मिति तय गरिएको निर्माता भुवन केसीले जनाएका छन् ।

दीवाकर भट्टराईको निर्देशन रहेको चलचित्रमा अनमोल केसीको मुख्य भुमिका रहेको छ । अनमोल चलचित्रमा फुटबल खेलाडीका रुपमा देखिएका छन् ।
शिव रात्रीको अवसरमा रिलिज हुने चलचित्रमा अनमोलसँगै उपासना सिंह ठकुरी, प्रियंका एमभी, सुनिल थापा, सरोज खनाल, प्रशान्त ताम्राकार, विल्सन विक्रम राईलगायतका कलाकारहरुको अभिनय रहेको छ । मजोज राठी र उज्ज्वल पौडेलले चलचित्रको वितरण गर्दैछन् ।