‘१२ सत्ताइस’को शिर्ष गीत सार्वजनिक

लेन्सनेपाल २०७६ पौष २

चलचित्र ‘१२ सत्ताइस’को शिर्ष गीत सार्वजनिक भएको छ । दीपक आरजेको स्वर र संगीत रहेको गीतमा प्रकाश मल्लले शब्द र चर्चित र्‍यापर गिरिश खतिवडाको र्‍याप छ । दीपक र गिरिशसँगै गीतमा चलचित्रका लगभग सबै कलाकारलाई फिचर गरिएको छ ।

कमेडी जनराको चलचित्रमा नयाँ कलाकारहरुको बाहुल्यता रहेको छ । सजिलै पैसा कमाउन कसरी १२ सत्ताइस गर्नुपर्छ भन्ने कुराकै वरिपरि चलचित्र घुमेको छ । चलचित्रमा समिर श्रेष्ठ, अभिषेक नेपाल, काजी राना, अस्मिता लामिछाने, सम्रान्त थापा, एभोनराज उप्रेती, भिष्म जोशी, अस्मिता खनाल, बिना कार्कीलगायतका कलाकारको अभिनय छ ।

जोन योञ्जन निर्देशित चलचित्रमा निर्देशक योञ्जनकै कथा, दीपक आरजेको संगीत, अनिश श्यांग्देनको छायाँकन र कृष्ण भण्डारीको सम्पादन छ । रेणु राणा, दीपक खतिवडा र रुपक थापा निर्माता रहेको चलचित्रका सह निर्माता गौतम शाह हुन् । चलचित्र माघ ३ गतेबाट प्रदर्शनमा आउने जनाइएको छ ।