‘सम्झना बिर्सना’को पोष्टर सार्वजनिक

लेन्सनेपाल २०७६ फागुन २

चलचित्र ‘सम्झना बिर्सना’को फष्टलुक पोष्टर सहित प्रदर्शन मिति सार्वजनिक गरिएको छ । २०७७ को जेठ २ लाई प्रदर्शन मिति तोकिएको चलचित्रको सार्वजनिक पोस्टरमा मुख्य कलाकार आकाश श्रेष्ठ र पूजा शर्माको लभ केमेस्ट्री देखाइएको छ ।

निमेष प्रधानको निर्देशन रहने चलचित्रमा आकाश र पुजाका अलवा सुनिल थापा, शिशिर राणा, छुल्ठिम गुरुङलगायतका कलाकारहरुको अभिनय रहेको छ । दार्जीलिङ, सिक्किम र नेपालको जीवन पद्दतिको प्रेमकथामा केन्द्रित रहेको जनाइएको चलचित्रको कथा तथा पटकथा निर्देशक प्रधान स्वयंको हो ।

आदित्य फिल्मस्को व्यानरमा निर्माण भएको चलचित्रलाई आदित्य प्रधान र रेविका प्रधानले निर्माण गरेका हुन् । चलचित्रमा शिव ढकालको छायाँकन, तारा थापा ‘किम्भे’ को सम्पादन, कमल राईको कोरियोग्राफी र शिशिर राणाको संवाद रहेको छ ।