८ वर्षपछि निर्देशनमा फर्कदै ऋषि, भित्रिए केदार

लेन्सनेपाल २०८१ कार्तिक २३

ऋषि लामिछानेको निर्देशन रहने चलचित्रमा केदार घिमिरे (माग्ने बुढा) अनुबन्धित भएका छन् । विहिबार निर्माण टिम र कलाकार घिमिरेका बिच कागजी सम्झौता भएको हो ।

सामिप्यराज तिमल्सिनाको लेखन रहने चलचित्रलाई मुनाल घिमिरेले निर्माण गर्नेछन् । निर्देशक लामिछानेले ८ वर्षपछि निर्देशनमा कमब्याक गर्न लागेका हुन् । यसअघि सन् २०१६ उनी निर्देशित चलचित्र ‘किस्मत २’ प्रदर्शन भएको थियो । यसअघि निर्माता घिमिरे र निर्देशक लामिछानेले सन् २०१० को चलचित्र ‘आफ्नो मान्छे आफ्नै हुन्छ’ र २००८ को भिडियो चलचित्र ‘खबरदार’मा सहकार्य गरेका थिए ।

आगामी माघ दोस्रो साताबाट छायांकनको तयारी गरिएको चलचित्रको नाम भने सार्वजनिक गरिएको छैन । बुझ्नमा आए अनुसार कलाकार घिमिरे चलचित्रको शिर्ष भूमिकामा रहने छन् । कलाकार घिमिरे यतिबेला ‘जेरी अन टप’मा ब्यस्त छन् ।