चलचित्र 'रङ्गेली'को गीत 'घामले तारा' सार्वजनिक

लेन्सनेपाल २०८० फागुन २०

फागुन २५ गते रिलिज हुने नेपाली चलचित्र 'रङ्गेली'को प्रेम भावयुक्त गीत सार्वजनिक भएको छ । 'घामले तारा' बोलको गीतमा चलचित्रका प्रमुख कलाकारद्वय दयाहाङ राई र मिरुना मगरलाई फिचर्ड गरिएको छ ।

गीतमा निशान भट्टराई र अन्नु चौधरीको स्वर, हर्क साउदको शब्द रचना तथा सुशान्त गौतमको सङ्गीत रहेको छ । म्युजिक प्रोड्युसर रिकेश गुरुङ किज हुन् । युरोपको विश्व प्रतिष्ठित 'बुढापेस्ट अर्केस्ट्रा'मा यस गीतको सङ्गीत रेकर्डिङ भएको हो । नेपाली चलचित्रले पहिलो पटक यस प्रकारले गीत तयार पारेको हो ।

‘रङ्गेली’लाई अर्जुन सुवेदीले लेखन तथा निर्देशन गरेका छन् । चलचित्रमा दयाहाङको साथमा मिरुना मगर, अर्पण थापा, प्रवीण खतिवडा, रमेश बुढाथोकी, रुपेश झा, सुन्दर धिताल लगायतको प्रमुख भूमिका रहेको छ । चलचित्रका गीतहरूमा हर्क साउद, अर्जुन सुवेदी र सबिन एकतारेको शब्द रचना तथा सुशान्त गौतम र हर्कुलस बस्नेतको सङ्गीत रहेको छ ।

चलचित्रका कार्यकारी निर्माताहरू जीतेन्द्र खतिवडा र अनुज जङ्ग थापा हुन् । निर्माताहरू संसार चौलागाईं र रमेश भट्टराई वशिष्ठ हुन् भने युवक कार्की र शिव शङ्कर चौलागाईँ सह-निर्माता हुन् । विवेक खड्का (योलो) एशोसियट निर्माता हुन् । छायाकार सुशन प्रजापति हुन् ।