‘एक्टर’ फष्टलुकमा प्रदिपका पाँच अवतार

लेन्सनेपाल २०८१ भाद्र ६

चलचित्र ‘एक्टरः टेक वान’को फष्टलुक पोस्टर सार्वजनिक गरिएको छ । सार्वजनिक पोष्टरमा कलाकार प्रदीप खड्काका भिन्ना भिननै पाँच अवतार प्रस्तुत गरिएको छ ।

पोष्टरमा घाइते अवतार, नेपाली पोसाकमा सजिएको अवतार, पाइलट अवतार, लामो कपालमा क्याजुल अवतार र हल्का जाडोमा स्वेटर लगाएको पाँच लुकमा प्रदीप फिचर्ड छन् ।

चलचित्रमा दिब्या रायमाझी, आना शर्मा, राजवल्लभ कोइराला, दिव्य देव, सुशील सिटौला उषा रजक, सिर्जना अधिकारी, अनुज पाण्डे, बादल भट्ट, प्रदीप कुमार चौधरी (पीके), देवेन्द्र नेपाललगायतको पनि अभिनय रहेका छन् ।

राजन भुसालको निर्देशन रहेको चलचित्र कात्तिक १५ गते रिलिज हुने जनाइएको छ । अदृत फिल्मस् र मोती फिल्मस्को प्रस्तुतिमा बनेको चलचित्रका निर्माता थमन कुमारी भण्डारी निर्माता हुन् भने लाइन प्रोड्युसरमा तोरन क्षेत्री छन् । आकाश बराल र राजन भुसालले लेखेको चलचित्रलाई नरेन्द्र मैनालीले छायांकन गरेका छन् ।