‘पूजा सरः राजागंज’को पोस्टर सार्वजनिक

लेन्सनेपाल २०८१ पौष १८

चलचित्र ‘पूजा सरः राजागंज’को पोस्टर सार्वजनिक गरिएको छ । चैत १ गते रिलिज हुने चलचित्रको पोस्टर निर्माणपक्षले आज सार्वजनिक गरेको हो ।

पोस्टरमा कलाकारहरु दयाहाङ राई, आशा मगराती, विजय बराल र निकिता चाण्डक फिचर्ड छन् । दयाहाङ प्रहरी एसपीको पोशाकमा देखिएका छन् ।

दीपक रौनियारको निर्देशन रहेको चलचित्रलाई रामबाबु गुरुङले निर्माण गरेका छन् । पुलिस थ्रिलर जनराको चलचित्रमा ऋचा शर्मा, पशुपति राई, गौमाया गुरुङ, घनश्याम मिश्रा, आरती मण्डल तथा पुष्पा यादवको पनि अभिनय रहेको छ ।