बलात्कार मुद्धामा पल शाहले पाए सफाई

लेन्सनेपाल २०७९ माघ ४

नाबालिगलाई करणी गरेको आरोप लागेका अभिनेता पल शाहलाई जिल्ला अदालत तनहुँले सफाई दिएको छ । मंगलबार न्यायाधीश कमलप्रसाद आचार्यको इजलासले बलात्कार अभियोगमा दाबी नपुगेको भन्दै उनलाई सफाई दिइएको हो ।

जिल्ला अदालत तनहुँ र नवलपरासी पूर्वले जवरजस्ती करणी मुद्धामा सफाई दिए पनि नवलपरासी पूर्वले शाहलाई बाल यौन दुरुपयोग आरोपमा २ वर्ष ६ महिना जेल सजाय र पीडितलाई १० लाख रुपैयाँ क्षतिपूर्ति दिनुपर्ने फैसला गरेको थियो । जसका कारण उनी जेलमुक्त भने हुने छैनन् । गत भदौ २९ गते शाहलाई नवलपुर जिल्ला अदालतले २ वर्ष ६ महिना जेल सजाय सुनाउँदै १० लाख रुपैयाँ क्षतिपूर्ति भराउन आदेश दिएको थियो । यो फैसलाविरुद्ध उनले उच्च अदालत पोखरामा पुनरावेदन समेत दिइसकेका छन् ।

२०७८ सालको फागुनमा शाह बिरुद्ध नाबालिग बलात्कारको मुद्धा उजुरी परेको थियो । यद्यपी तनहुँ र नवलपुर जिल्ला अदालतमा बकपत्र गर्ने क्रममा पिडित भनएकी नाबालिगले बयान फेरेकी थिइन् ।