‘परदेशी २’ को छायांकन सुरु

लेन्सनेपाल २०७६ फागुन १०

चलचित्र ‘परदेशी २’ को छायांकन सुरु भएको छ । महाशिवरात्रीको अवसर पारेर शुक्रबार शुभ मुहूर्तसँगै छायांकन आरम्भ गरिएको हो ।

नारायण रायमाझीको निर्देशनमा निर्माण हुने चलचित्र ४ वर्ष अगाडिको सुपरहिट चलचित्र ‘परदेशी’को सिक्वेल हो । चलचित्रमा चर्चित लोक गायक प्रकाश सपुत र वर्षा सिवाकोटीको मुख्य भुमिका रहने छ । यसै चलचित्रबाट अभिनेताको रुपमा प्रकाशले डेब्यू गर्न लागेका हुन् ।

चलचित्र ‘परदेशी’मा वैदेशिक रोजगारीको कथा भनेका निदेशक रायमाझीले सिक्वेलमा विदेश पढ्न गएका विद्यार्थीको दुःख र त्यहाँको संघर्ष देखाइने जनाएका छन् । चलचित्रलाई आउँदो बर्ष दशैंको फूलपातीमा प्रदर्शन गर्ने निर्माण पक्षले जनाएको छ ।