‘चमेलीको पोई’ बाट कमब्याक गर्दै त्रिपाठी

लेन्सनेपाल २०८० फागुन १३

चलचित्र ‘चमेलीको पोई’ बाट चर्चित हाँस्य कलाकार नारायण त्रिपाठीले ‘कमब्याक’ गर्ने भएका छन् । बिगत लामो समयदेखि अमेरिका बस्दै आएका त्रिपाठीको कमब्याक रहने चलचित्रलाई एभरेष्ट सूर्य बोहराले निर्देशन गर्नेछन् ।

सन् २०२४ मै छायांकन गरी प्रदर्शनमा ल्याउने योजनाका साथ निर्देशक बोहराले शुक्रबार चलचित्र निर्माणको घोषणा गरेका हुन् । कमेडी जनराको चलचित्रमा अन्य कलाकार को–को हुनेछन् भन्ने अहिलेलाई गोप्य राखीएको छ ।

एक समय ‘प्रेमचरो’ उपनामले चर्चित हाँस्य कलाकार त्रिपाठी र निर्देशक बोहराको दोस्ती निकै पुरानो हो । आफूले पहिला त्रिपाठीलाई बिभिन्न नाटक, टेलिफिल्म हुदै फिचर फिल्म ‘अग्नी परिक्षा’ मा समेत अभिनय गराएको स्मरण गर्दै ‘चमेलीको पोई’ मार्फत उनको ‘कमब्याक’ गराउन पाउदा खुशी लागेको निर्देशक बोहराले बताएका छन् ।