चलचित्र ‘ममी’को टिजर सार्वजनिक

लेन्सनेपाल २०८१ पौष १४

चलचित्र ‘ममी’को टिजर सार्वजनिक गरिएको छ । समर निरौलाको निर्देशन रहेको चलचित्रको टिजर आइतबार सार्वजनिक गरिएको हो ।

सार्वजनिक टिजरले चलचित्र हरर जनरामा आधारित रहेको संकेत गरेको छ । टिजर हेर्दा यसको कथा परिवारको प्रिय कुकुरको निधनपछि घरमा पालिएको कालो बिरालोले ल्याएको अशान्ति र त्यसले निम्त्याएको विपत्ति वरिपरि घुमेको देख्न सकिन्छ । माघ २५ गते रिलिज हुने चलचित्रमा प्रियङ्का कार्की, दिया मास्के र सुलक्षण भारती लगायतका कलाकारहरूको अभिनय रहेको छ ।

सो ट्वान्टी फाइभको प्रस्तुतिमा निर्माण भएको चलचित्र लोक राज जोशी तथा पूर्णिमा जोशीको लगानी रहेको छ भने कार्यकारी निर्मातामा सुमन कोइराला रहेका छन् । समर निरौला र पूर्णिमा जोशीको लेखन रहेको चलचित्रमा निशाल पौडेल र शरद महतोको संयूक्त छायाँकन, सुरेन महर्जनको सम्पादन, रोहित शाक्यको पाश्र्व संगीत, र एसडी योगीको संगीत रहेको छ ।