चलचित्र ‘मीलन’को गीत ‘तिम्रो इसारा काफि छ’

लेन्सनेपाल २०७९ असोज १२

चलचित्र ‘मीलन’को गीत ‘तिम्रो इसारा काफि छ’ सार्वजनिक गरिएको छ । सार्वजनिक गीतमा प्रबिशा अधिकारी र कौशलराज खड्काको स्वर र राजु सेन्चुरीको शब्द तथा संगीत रहेको छ ।

कबिराज गहतराजको कोरियोग्राफि रहेको गीतको भिडियोमा अभिनेता कुशल शाह ठकुरी र अभिनेत्री शिल्पा थापालाई फिचर्ड गरिएको छ ।
साथै चलचित्रको टिमले टिकटक प्रयोगकर्ताका लागी नयाँ अफर ल्याएको छ । सार्वजनिक उक्त गीतमा टिकटक बनाउने तथा गीतको क्लिप अपलोड गर्नेहरुका लागी नगद सहितको पुरस्कार पाउन सक्ने योजना ल्याएको हो । सार्वजनिक गरिएको गीतको क्लिप काटेर आफ्नै टिकटकमा अपलोड गर्न सकिनेछ । निर्माण टिमले भ्युजको आधारमा उत्कृष्ट ५ छनौट गरेर क्रमशः २५ हजार, २० हजार, १५ हजार, १० हजार र ५ हजार प्रदान गरिनेछ । निर्देशक टेक पौरखी राईका अनुसार राम्रो टिकटक बनाउनेहरुको पनि भ्युज नआउन सक्ने भन्दै टिकटकको भ्युज नहेरेर ‘क्रिएटिभ’ टिकटकलाई स्थान दिइनेछ ।

चलचित्र कात्तिक १८ गतेबाट प्रदर्शनमा आउने छ । कुशल शाह ठकुरी, सलोन बस्नेत र अभिनेत्री शिल्पा थापा बिचको त्रिकोणात्मक प्रेम कथामा निर्माण भएको यस चलचित्रको कथा पनि निर्देशक राईले नै लेखेका हुन् ।

प्रविन थापाको निर्माण रहेको चलचित्रमा राहुल राईको छायांकन र तारा किम्बे थापाको सम्पादन रहेको छ ।