विराजको ‘१२ गाउँ’मा कनिज अनुबन्धित

लेन्सनेपाल २०८० फागुन २०

एक्सन स्टार विराज भट्टको निर्देशन रहने चलचित्र ‘१२ गाउँ’मा कनिज कोइराला अनुबन्धित भएका छन् । कनिज ‘इन्टरनेश्नल म्यानहन्ट नेपाल–२००९’ सँगै पहिलो नेपली ग्ल्याडरक्स मोडलसमेत हुन् ।

नेपाली चलचित्रका लागि कानिज नयाँ भएपनि उनले ‘बाहुबली’ फेम प्रभासको ‘साहो’ तथा अर्का चर्चित दक्षिण भारतीय तेलेगु अभिनेता अधवी शेषको ‘गोडाचरी’ चलचित्रमा खलनायकको भूमिकामा काम गरिसकेका छन् । यसका अलावा उनले अभिनेता विराजसँग भोजपुरी चलचित्रमा ‘वध’मा पनि अभिनय गरेका छन् । कानिजले यो चलचित्रमा पनि खलनायकको भूमिकामा काम गर्नेछन् ।

चैतको दोश्रो साताबाट फ्लोरमा जाने तयारीमा रहेको चलचित्रमा विराजका साथै न्यान्सी खड्काको मुख्य भूमिका रहनेछ । बिराजले यसै चलचित्रबाट छोरा समीर भट्टलाई डेब्यू गराउँदैछन् । चलचित्र विराजको होम प्रोडक्सन विराज भट्ट फिल्म प्रोडक्सन कम्पनीको ब्यानरमा तयार हुनेछ ।