चलचित्र ‘ज्वाइँ साब’को टिजर सार्वजनिक

लेन्सनेपाल २०८१ भाद्र १२

चलचित्र ‘ज्वाइँ साब’को टिजर सार्वजनिक गरिएको छ । सार्वजनिक टिजर कमेडी फ्लेवरमा निर्माण गरिएको छ ।

टिजरमा मुख्य कलाकार जितु नेपाल केन्द्रमा छन् । उनको साथमा नीति शाह, हिमेश पन्त, बुद्धि तामाङ, प्रकाश घिमिरे र शिशिर वाङ्देल लगायतका कलाकार फिचर्ड छन् । नीतिलाई हात्तीमाथि चढेर बेहुलीको भेषमा सजिएको देखाइएको छ ।

राजकुमार पण्डितको प्रस्तुति रहेको चलचित्रमा मिनादेवी खड्का, सौगात पण्डित र पदमलाल तामाङको लगानी छ । बसन्त निरौलाको निर्देशन रहेको चलचित्र रेड आई फिल्मस्को प्रस्तुतिमा ओएसआर डिजिटल र मौसम फिल्मस्को सहकार्य निर्माण भएको हो ।

विजय बस्याल कार्यकारी निर्माता रहेको चलचित्रमा श्याम तामाङको डीओपी, अर्जुन पोखरेल र महेश ताम्राकारको संगीत छ ।