‘हिरो रिटर्न्स’को ट्रेलर सार्वजनिक

लेन्सनेपाल २०७६ फागुन २२
‘हिरो रिटर्न्स’को ट्रेलर सार्वजनिक

चलचित्र ‘हिरो रिटर्न्स’को ट्रेलर सार्वजनिक गरिएको छ । रेखा थापा र सविन श्रेष्ठको मुख्य भुमिका रहेको चलचित्र एक्सन जनरको हो ।

आशिष भेटवालको निर्देशन रहेको चलचित्र छायाँकनको लामो समय पछि प्रदर्शनको तयारीमा रहेको छ । यसै प्रसंगमा बोल्दै अभिनेत्री रेखा थापाले चलचित्रको कथा कहिल्यै पुरानो नहुने र कन्टेन्ट बलियो भएको दावी गरेकी छिन ।

२०७७ बैशाख २६ देखि रिलिज हुने चलचित्रमा दीपक शर्मा र टंक बुढाथोकीको संगीत, चन्द पन्तको एक्सन, शिवम अधिकारीको कथा, पटकथा र संवाद, मदन कस्यप घिमिरेको छायाँकन र मित्र डि. गुरुङको सम्पादन रहेको छ । ध्रुबतारा फिल्मस् र सोम ओम शिव फिल्मस्को प्रस्तुति रहेको चलचित्रमा भिम न्यौपाने र धुर्व न्यौपानेको लगानी छ । चलचित्रका कार्यकारी निर्माता चन्दन गौतम हुन ।