शुरु भयो ‘छक्का पन्जा ४’

लेन्सनेपाल २०७९ श्रावन ९
शुरु भयो ‘छक्का पन्जा ४’

‘छक्का पन्जा’को चौथो सिरिज ‘छक्का पन्जा ४’ शुभमूर्हत सँगै छायाँकन शुरु गरिएको छ । सोमबार भक्तपुरको सूर्यविनायक मन्दीरमा पुजा गर्दै सहित चलचत्रको मुहुर्त गरिएको हो ।

‘छक्का पन्जा’ सिरिजको निर्देशन दिपाश्री निरौलाले सम्हाल्दै आएको भएपनि चौथो सिरिजमा निर्देशक परिवर्तन भएका छन् । आमा सरस्वती मुभिजको व्यानरमा निर्माण हुने चौथो सिरिजलाई हेमराज बिसीको निर्देशन गर्नेछन् । यसअघि हेमराज बिसीसँग टिमअप हुँदै ‘माग्ने राजा’ नाममा चलचित्र बनाउने तयारी गरेको टिमले ब्यवसायिक लाभ हेर्दै ‘छक्का पन्जा ४’ नै बनाउन लागेको बुझिएको छ ।

साउन अन्तिमसम्म छायाँकन सक्ने तयारीमा रहेको निर्माण टिम कात्तिक दोस्रो साता चलचित्र प्रदर्शनको तयारीमन छ । चलचित्रमा दीपकराज गिरी, बेनिशा हमाल, राज आचार्य, मलिना जोशी, निर्मल शर्मा, केदार घिमिरे, नीर शाह, दीपाश्री निरौला लगायतको अभिनय रहनेछ ।