‘बाबरी’ प्रदर्शन, प्रिमियरमा मिल्यो सुखद प्रतिक्रिया
बडा दशैंको अवसर पारेर शुक्रवारबाट चलचित्र ‘बाबरी’ प्रदर्शनमा आएको छ । दशैंको एक हप्ता लामो विदालाई लक्षित गरेर प्रदर्शनमा आएको चलचित्रलाई सुरेन्द्र पौडेलले निर्देशन गरेका हुन् । त्रिकोणात्मक प्रेम कथामा आधारित चलचित्रमा धिरज मगर, धिरज नाड्कर, अदिती बुढाथोकीलगायतका कलाकारको मुख्य भूमिका रहेको छ ।
प्रदर्शनको पूर्व सन्ध्यामा चलचित्रको प्रिमियर गरिएको छ । बिहिबार साँझ राजधानीको बिग मुभिजमा आयोजित प्रिमियर शोमा चलचित्र हेरेका चलचित्रकर्मी र पत्रकारबाट यसले सुखद प्रतिक्रिया बटुलेको छ । चलचित्र रमाइलो बनेको भन्दै दर्शकको मन जितनेमा चलचित्रकर्मीहरु आशाबादी देखिए ।
प्रियिमरमा उपस्थित अधिकांश पाहुनाले ‘बाबरी’बाट नेपाली चलचित्रमा डेब्यू गरेका धिरज नाडकरको अभिनयको प्रशंसा गरेका थिए भने अर्का धिरज मगरको अभिनयले पनि प्रशंसा बटुलेको छ ।
‘वर्ड अफ माउथ’ बलियो भएको खण्डमा चलचित्रले दशैंको एक हप्ता लामो विदाको फाइदा पनि उठाउन सक्नेछ । सिजन दाहाल, मनोज त्रिपाठी, रीत बोहरा र किशोर नेपालको लेखन रहेको चलचित्रमा नरेन्द्र मैनालीको छायांकन, कालीप्रसाद बाँस्कोटा, सुजन चापागाई र अनमोल गुरुङको संगीत र निर्देशक पौडेलको सम्पादन छ ।
बाबरी फिल्म्सको व्यानरमा निर्मित चलचित्रमा गणेश बुढाथोकी र पुष्पलता बुढाथोकीको निर्माण छ ।
Latest Updates
New Releases (Chaitra 30)
-
Degree Maila M.A. 3rd Class
Director : Ram Babu Gurung
Casts : Dayahang Rai, Aanchal Sharma, Maotse Gurung, Prakash Ghimire, Buddhi Tamang -
The Red Suitcase
Director : Fidel Devkota
Casts : Saugat Malla, Shristi Shrestha, Bipin Karki, Prabin Khatiwada
Next Releases (Baishak 21)
-
Mansara
Director : Upendra Subba
Casts : Dayahang Rai, Miruna Magar, Menuka Pradhan, Prabin Khatiwada, Shanti Giri