चलचित्र ‘रातो टिका निधारमा’को प्रमोशनका लागि डेव्यु अभिनेता अंकित शर्मा आफुले पढेको स्कूल पुगेका छन् । चलचित्रको टिम लिएर काभ्रेको पनौतीस्थित मल्पी इन्टरनेशनल स्कुलमा पुगेका अंकितले त्यहाँ अध्ययनरत् विद्यार्थीसँग अन्तरक्रिया गरे ।

मल्पी स्कुलका प्रिन्सिपल र विद्यार्थीले आयोजना गरेको शुभकामना आदान–प्रदान कार्यक्रममा अंकितले आफ्ना अनुभव सुनाएका थिए । १० कक्षासम्मको अध्ययन शिलशिलामा आफुले भोगेका र जानेका कुरा उनले विद्यार्थी सामु पेस गरे । शिक्षक र बिद्यार्थीले अंकितको आगामि यात्रा र असोज १० गतेबाट प्रदर्शन हुने चलचित्रको सफलताको कामना गरे । सो अवसरमा अंकितले भने – ‘हामीले बाबु आमाको करकापमा यस्तो बन्ने, उस्तो बन्ने भनेर पढ्नु भन्दा पनि आफुलाई जुन विषय र क्षेत्रमा इच्छा जाग्छ, त्यतैतिर ध्यान लगाएर पढ्नु पर्छ । तब मात्र हामि पढाईमा सफलता हाँसिल गर्न सक्छौँ ।’

यस्तै अभिनेत्री साम्राज्ञी राज्यलक्ष्मी शाह होस्टेलमा विताएका बाल्यकाल सम्झेर केहि भावुक भइन । ‘होस्टेल जीवनमा सबैभन्दा बढी फ्यामिली मिस गर्थ्ये । बाल्यकाल उहाँहरुसँगै वितोस भन्ने चाहना हुन्थ्यो । तर, पनि होस्टेलका साथीहरुलाई हेरेर चित्त बुझाउथे । उहाँहरुले साथले कहिले काहिँ परिवार नै बिर्साइदिन्थ्यो ।’ उनले भावुक स्वरमा बाल्यकालको होस्टेल जीवन स्मरण गरिन् । उक्त अवसरमा अंकित र साम्राज्ञीसँगै निर्देशक अशोक शर्मा र कलाकार रविन्द्र झा पनि उपस्थित थिए ।

चलचित्रमा साम्राज्ञी, अंकित ररविन्द्र झाका अलवा खुस्बु खड्का, बुद्दि तामाङ, बसुन्धरा भुषाल, शिवहरि पौडेल, जयनन्द लामा, लक्ष्मी गिरी, अरुणा कार्की, राजाराम पौडेल, निता ढुङ्गाना, कमला रेग्मीलगायतका कलाकारको अभिनय रहेको छ ।

ए.ए. ग्रुप अफ कम्पनीजबाट निर्माण भएको चलचित्रमा किरण शर्मा र कृति शर्माले लगानी गरेका छन् । चलचित्रमा शम्भुजित बाँस्कोटा र कल्याण सिंहको संगीत, बसन्त श्रेष्ठको कोरियोग्राफी, पुरुषोत्तम प्रधानको छायाँकन, मित्र देव गुरुङको सम्पादन र राजेश शाहको भिएफएक्स छ ।