Jaari 2

Feature Film Cultural, Social DramaNov 07, 2025Hall Release

News

`जारी २´ को ट्रेलर सार्वजनिक

लेन्सनेपाल २०८२ कार्तिक १०

कार्तिक २१ गते रिलिज हुने सिनेमा `जारी :२ सङ् अफ च्याब्रुङ´काे ट्रेलर सार्वजनिक गरिएको छ । सार्वजनिक ट्रेलरमा दयाहाङ राईलाई च्याब्रुङ बादकको रुपमा प्रस्तुत गरिएको छ । छोरीको जन्मपछि फेरि श्रीमान्–श्रीमती (दयाहाङ राई र मिरुना मगर) बीच आउने फाटोलाई फिल्मको कथा बनाएको ट्रेलरबाट बुझ्न सकिन्छ।

दयाहाङ राई र मिरुना मगरका अलावा विजय बरालको कथाले पनि दर्शकलाई यो सिनेमा हेर्न प्रेरित गर्नेछ । ट्रेलरमा उनको पाटोले सिनेमामा डार्क ह्युमर देखिन्छ ।

उपेन्द्र सुब्बा लिखित तथा निर्देशित फिल्मलाई रामबाबु गुरुङ, मधु मिजार र जीवन गुरुङले निर्माण गरेका हुन् । फिल्ममा दयाहाङ, मिरुना तथा विजयका अलावा बुद्धि तामाङ, ऋचा शर्मा, पुष्कर गुरुङ, प्रेम सुब्बा, माओत्से गुरुङ, मानहाङ लावती, विष्णु मोक्तान, कमलमणि नेपाल, अनिल सुब्बा, रेखा लिम्बु, बेदना राई र सिर्जना निङ्लेखुको अभिनय रहेको छ ।

बाँसुरी फिल्म्स र कबड्डी फिल्म्सको ब्यानरमा निर्माण भएको फिल्मलाई प्रतिक्षित फिल्मको सूचीमा राखिएको छ ।