शिब श्रेष्ठ र सौगात मल्ल मध्ये एक नायकलाई सुपर स्टारका रुपमा छान्नु पर्‍यो भने कसलाई छान्नु हुन्छ ? तपाइले जसलाई छाने पनि चलचित्र ‘लप्पन छप्पन २’ले भने सौगात मल्ललाई सुपर स्टार भनेको छ । चलचित्रको ट्रेलरमा सौगात मल्ललाई सुपर स्टारको उपमा दिइएको छ भने शिब श्रेष्ठलाई कुनै उपमा छैन । यसैले होला शिब श्रेष्ठले घुमाउरो शैलीमा असन्तुष्टि ब्यक्त गरे ।

४० वर्ष देखि चलचित्र उद्योगमा निरन्तर सक्रिय शिब श्रेष्ठले पाकिस्तानी चलचित्रमा समेत सफलता पाएका छन् । एक्सन किंङको उपमा समेत पाएका शिब श्रेष्ठ चलचित्र क्षेत्रमा सौगात मल्ल भन्दा बढी नै योगदान दिएका नायक हुन् । यसैले होला उनले राजधानीमा आयोजित ‘लप्पन छप्पन २’को पत्रकार भेटघाट कार्यक्रममा घुमाउरो असन्तुष्टि ब्यक्त गरेको ।

शिबले यो चलचित्रमा अभिनय गरेका सबै सुपरस्टार भएको भएपनि आफु भने सामान्य कलाकार मात्रै भएको बताए । उनले आफु ४० वर्ष देखि चलचित्र क्षेत्रमा छु भन्दै अझै पनि धरै कुरा सिकिरहेको जनाए । उनले ‘लप्पन छप्पन २’बाट पनि धेरै कुरा सिक्न पाएको बताए ।

उनले पत्रकारसँग बोल्दै आफ्नो ४० वर्ष लामो अभिनय करियरमा पहिलो पटक फरक र चुनौती पुर्ण भुमिका निवार्ह गर्ने अवसर दिएकोमा निर्माण टिम र निर्देशक मुकुन्द भट्टलाई धन्यवाद दिए । अभिनेता शिव श्रेष्ठ पहिलो पटक खराव राजनितिज्ञको भुमिकामा प्रस्तुत भएका छन् । मुकुन्द भट्टको निर्देशनमा बनेको चलचित्र आगामी शुक्रबारबाट अर्थात् फागुन २० गतेबाट प्रदर्शन हुँदैछ ।

Lappan Chhappan 2

Know more about Nepali Movie 'Lappan Chhappan 2'

Shiva Shrestha

Know more about 'Shiva Shrestha'

Saugat Malla

Know more about 'Saugat Malla'