Karishma Manandhar
This profile is not verified yet. Please contact lensnepalweb@gmail.com to complete your profile.
News
बैशाख २७ मा ‘जात्रै जात्रा’, मंगलबार सार्वजनिक हुँदै ‘माया पिरिम’

आउने वर्षको बैशाख २७ गते चलचित्र ‘जात्रै जात्रा’ प्रदर्शन हुने भएको छ । निर्माण पक्षले मंगलबार ‘माया पिरिम’ बोलको गीत सार्वजनिक गर्दै आधिकारीक रुपमा प्रदर्शन मिति घोषणा गर्ने तयारी गरेको छ ।
यसअघि फागुन १७ गतेलाई प्रदर्शन मिति तय गर्दै छायाँकनमा गएको भएपनि छायाँकनकै समयमा नायक विपिन कार्कीको मोटरसाइकल दुर्घटना भएपछि रिलिज पोष्टपोण्ड भएको थियो । विपिनको खुट्टा भाचिएका कारण रोकिएको छायाँकन लगभग सकिएको छ । कार्यकारी निर्माता रविन्द्र सिंह बानियाँका अनुसार अब एक दिनको छायाँकन मात्र बाँकी छ ।
सार्वजनिक गर्न लागिएको गीतमा मनिषा पोखरेल र निशान भट्टराइको स्वर, लेखु सहयात्रीको शब्द, कृष्ण भारद्धाजको संगीत र कविराज गहतराजले कोरियोग्राफी रहेको छ । गीतमा निर्देशक तथा कलाकार निश्चल बस्नेत, नायिका करिश्मा मानन्धर, सारा सिर्पाली, विपिन कार्की, बर्षा राउत, रविन्द्र झा र रविन्द्र सिंह बाँनियालाई देख्न सकिन्छ । निश्चल, करिश्मा र साराले यो गीतमा अतिथि कलाकारको रुपमा नृत्य गरेका हुन । एक बिहेमा सेलिब्रिटीहरुको समेत उपस्थित भएको समयमा गीत आउने जनाइएको छ ।
चलचित्र ‘जात्रै जात्रा’ २०७३ कार्तिक २६ गते प्रदर्शन भएको चलचित्र ‘जात्रा’को सिक्वेल हो । यसअघि नै चलचित्रको टिजर सार्वजनिक गरिसकिएको छ । टिजरका आधारमा भन्दा जात्राको शैली सिक्वेलमा पनि कायम राखिएको देखिन्छ । टिजरमा समावेश गरिएका सम्वादका आधारमा जात्रा जहाँ सकिएकोे थियो त्यहीबाट यसको कथा उठान गरिएको सहजै बुझ्न सकिन्छ ।
प्रदिप भट्टराईको लेखन तथा निर्देशन रहेको चलचित्रमा चलचित्रका बिपिन कार्की, रविन्द्र सिंह बानियाँ, रविन्द्र झा, दयाहाङ राई, वर्षा राउत, प्रकाश घिमिरे, सोहित मानन्धर, सुस्मिता कार्की, प्रेम पाण्डे, कालु राना, प्रियंका झालगायतका कलाकारको अभिनय रहेको छ । चलचित्रलाई सिंगे लामा र यादव पौडेलले निर्माण गरेका हुन । कार्यकारी निर्माता भने रविन्द्र सिंह बानियाँ हुन ।
New Releases (Ashad 27)
-
Yo Mann Ta Mero Nepali Ho
Director : Nar Pradhan (Mitra)
Casts : Wilson Bikram Rai, Buddhi Tamang, Bijay Baral, Roshan Shrestha, Ayusha Samal
Next Releases (Shrawn 24)
-
Mohar
Director : Om Prateek
Casts : Benisha Hamal, Paul Shah, Arjun Jung Shahi, Niti Shah, Mithila Sharma -
Cetaamol
Director : Raj Bahadur Sane
Casts : Saugat Malla, Benisha Hamal, Shree Krishna Niraula, Januka Bishwokarma, Lokendra Lekhak