News
उपराष्ट्रपतिले दिए कलाकार लामालाई अन्तिम श्रद्धाञ्जली, संस्कृति मन्त्री आलेले ओढाए राष्ट्रिय झन्डा
लोकगायक, संकलक तथा कलाकार जयनन्द लामालाई उपराष्ट्रपति नन्दबहादुर पुनले अन्तिम श्रद्धाञ्जली दिएका छन् । यस्तै संस्कृति पर्यटन तथा नागरिक उड्डयन मन्त्री प्रेमबहादुर आलेले उनको शवमा राष्ट्रिय झन्डा ओढाएर श्रद्धाञ्जली दिएका छन् ।
लामाको शव श्रद्धाञ्जलीका लागि बिहीबार बिहान १० बजेदेखि नेपाल सांस्कृतिक संस्थान (राष्ट्रिय नाचघर) जमलमा राखिएको छ । जहाँ लामाप्रति श्रद्धाञ्जली अर्पणका लागि थुप्रै कलाकार तथा सर्वसाधारणहरु पुगेका छन् ।
बुधबार बिहान निधन भएका लामाको पोष्टमार्टम पछि बौद्ध परम्परा अनुसार हिजो राति उनकै निवासमा पुजा गरिएको थियो । लामालाई अन्तिम श्रद्धाञ्जली दिन बौद्ध गुरुहरु पनि नाचघर पुगेका छन् । लामाको शवलाई आजै दिउसो बौद्ध परम्परा अनुसार स्वयम्भुमा अन्त्यष्टी गरिएको छ ।
यसअघि बुधबार नै राष्ट्रपति विद्यादेवी भण्डारी र प्रधानमन्त्री शेरबहादुर देउवाले लामाको निधनप्रति दुस्ख व्यक्त गरेका छन् । उनीहरुले ट्वीटरमार्फत श्रद्धाञ्जली समेत दिएका छन् ।
भक्तपुरको मध्यपुरथिमी नगरपालिका १ लोकन्थलीको सचेत मार्गस्थित आफ्नै घर अगाडि कलाकार लामा बुधबार बिहान मृत फेला परेका थिए ।
New Releases (Baishak 21)
-
Mansara
Director : Upendra Subba
Casts : Dayahang Rai, Miruna Magar, Menuka Pradhan, Prabin Khatiwada, Shanti Giri
Next Releases (Jestha 10)
-
Pujar Sarki
Director : Dinesh Raut
Casts : Aaryan Sigdel, Pradeep Khadka, Paul Shah, Anjana Baraili, Parikshya Limbu -
Farki Farki
Director : Suyog Gurung
Casts : Anmol K.C., Jassita Gurung, Ravi Kafle, Samriddhi Aryal
