DP Khanal
Movie's Credit : Lyricist
Song's Credit : Lyricist / Singer

This profile is not verified yet. Please contact lensnepalweb@gmail.com to complete your profile.

News

शंकरको ‘मेरी सानी के गर्दै होलीन’

लेन्सनेपाल २०७९ जेष्ठ २०

लोक आधुनिक शैलीको गीत ‘मेरी सानी के गर्दै होलीन’ सार्वजनिक गरिएको छ । बिहिबार राजधानीमा आयोजित एक कार्यक्रमका गीत सार्वजनिक गरिएको गीतमा शंकर थापा स्माइलको संगीत, डिपी खनाल र सुधा खनालको शब्द र रबिन लिम्बुको स्वर रहेको छ ।

नायक आर्यन सिग्देल र नायिका रुबिना थापाको अभिनय रहेको भिडियोलाई चर्चित छायाँकार सौरभ लामाले निर्देशन गरेका हुन् । लामाले यसै भिडियो मार्फत भिडियो निर्देशनमा डेब्यु गरेका छन् ।

थुप्रै हिट गीत दिइसकेका शंकरले सार्वजनिक गीतले पनि दर्शकको मन जित्ने विश्वास राखेका छन् । आधुनिक, पप लगायत लोक शैलीमा कयौं हिट गीत दिइसकेका उनले यो गीत लोक आधुनिक शैलीमा तयार पारेको जनाए । शब्दको भाव अनुसार नै आफुले कम्पोज गरेको उनको भनाई छ ।

कार्यक्रममा गीतलाई शुभकामना दिन थुप्रै चलचित्रकर्मी तथा संगीतकर्मीहरु उपस्थित भएका थिए । गीत सुनिसकेपछि उपस्थित पाहुनाहरुले अडियो र भिडियो दुबै अब्बल बनेको भन्दै तारिफ गरेका छन् । कार्यक्रममा प्रथम नेपाली तारा दिपक लिम्बु, चलचित्र पत्रकार संघका पूर्व उपाध्यक्ष बिष्णु सुबेदी, चलचित्र निर्देशक सबिर श्रेष्ठ, संगीतकार तारा प्रकाश लिम्बु, नृत्यनिर्देशक कविराज गहतराज, द्वन्द्व निर्देशक हिमाल केसीलगायत चलचित्र र सांगीतक क्षेत्रका थुप्रै हस्तीहरुको उपस्थिति थियो ।