Anjana Gurung
Movie's Credit : Playback Singer
Song's Credit : Singer

This profile is not verified yet. Please contact lensnepalweb@gmail.com to complete your profile.

News

एकल साँझमा गुञ्जँदै गायिका अञ्जना गुरुङ

लेन्सनेपाल २०८२ कार्तिक १०

गायिका अञ्जना गुरुङ एकल सांगीतिक साँझ आयोजना हुने भएको छ । दुई दशकभन्दा लामो समयदेखि गायनमा सक्रिय गायिका गुरुङको एकल सांगीतिक साँझ सर्वनाम थियटर कालिकास्थानमा कार्तिक २१ गते शुक्रबार आयोजना हुने जनाइएको छ ।

सुगम तथा पाश्र्वगायनमा समेत सफल गायिका गुरुङले बिभिन्न चर्चित गीत प्रस्तुत गर्ने आयोजक टीका गोपाल एम् क्रियसनले जनाएको छ । गुरुङले कार्यक्रममा नयाँ तथा पुराना गरेर करिब दर्जन गीत पस्किने छिन् ।

गुरुङका ‘आँखैमा राख्छु मेरो देश’, ‘म त काली सुन्दरी’, ‘बदनाम भए म तिम्रै कारणले’, ‘आँधीसरी तिम्रो माया’, ‘ठ्याक्कै भेटौंला’, ‘नजर नजरको’, ‘जसले मुटु चुँडेर लग्यो’, ‘माइला रोधी घरमा (कौडा)’, ‘मान चाहे नमान तिमी मेरो हौ’ लगायत गीतहरू चर्चित छन् ।

गुरुङको एकल साँझको अवसरमा गायक जोडी कन्हैया सिंह परियार र अञ्जना गुरुङद्वारा स्थापित ‘कन्हैया–अञ्जना राष्ट्रिय सङ्गीत पुरस्कार– २०८२’ पनि प्रदान गरिनेछ । ५१ हजार नगद राशिको पुरस्कार यस वर्ष वरिष्ठ गायक कमल विक ‘निर्मोही’लाई प्रदान गरिने जनाइएको छ ।