Samjhana Birsana

Feature Film Love StoryJul 15, 2022Hall Release

News

निर्वाचनका कारण ‘सम्झना बिर्सना’को प्रदर्शन स्थगित

लेन्सनेपाल २०७९ बैशाख २७

चलचित्र ‘सम्झना बिर्सना’को प्रदर्शन स्थगित गरिएको छ । जेठ ६ गतेबाट प्रदर्शन हुने भनिएको चलचित्रको प्रदर्शन स्थानीय तहको निर्वाचनको कारण देखाउँदै हालका लागि स्थगित गरिएको निर्माता आद्वित्य प्रधानले जनाएका छन् ।

चलचित्रको नयाँ प्रदर्शन मिति भने केही समयमै सार्वजनिक गरिने जनाइएको छ । निमेष प्रधानको निर्देशन रहेको चलचित्रमा पुजा शर्मा, आकाश श्रेष्ठ, सुनिल थापा, छुल्ठिम गुरुङ, शिसिर राणालगायतका कलाकारको अभिनय रहेको छ ।

अद्वितिय प्रधान र रेविका प्रधानले निर्माण गरेको चलचित्र दार्जिलिङ, सिल्गुडी तथा सिक्कीमका बिभिन्न स्थानमा छायाँकन गरिएको हो । निर्देशक निमेषकै कथा र पटकथा रहेको चलचित्रमा निमेष र कलाकार शिसिर राणाको सम्बाद लेखन रहेको छ ।

आदित्य फिल्म्स्को प्रस्तुति रहेको चलचित्रमा शिब ढकालको छायाँकन, तारा थापा ‘किम्भे’को सम्पादन, राजन इशान, सुदर्शन तामाङ र निर्देशक निमेषकै संगीत र कमल राईको कोरियोग्राफी रहेको छ ।