Pardeshi 2
Feature Film DramaOct 13, 2023Hall Release
News
कलाकारले गरे ‘परदेशी २’को तारिफ
शुक्रबारबाट प्रदर्शनमा आएको चलचित्र ‘परदेशी २’ले चलचित्रकर्मीहरुबाट उत्साहजनक प्रतिक्रिया पाएको छ । राजधानीमा सम्पन्न बिशेष शोमा चलचित्र हेरेका चलचित्रकर्मीहरुले खुलेरै यसको तारिफ गरेका हुन् । खासगरि चलचित्रले उठान गरेको बढ्दो युवा पलायन र त्यसले समाजमा पार्ने प्रभावको कथालाई धेरैले रुचाएका छन् ।
बरिष्ठ हाँस्यकलाकार हरिबंश आचार्य र मनोज गजुरेल, चर्चित कलाकार दिपकराज गिरी, चर्चित गायिका शान्तिश्री परियारलगायतले चलचित्रले पछिल्लो समयको एउटा यथार्थ पाटोलाई प्स्तुत गरेको बताएका छन् । अभिनेता आचार्यले चलचित्रले आफूलाई भावुक बनाएको प्रतिक्रिया दिए । उनले चलचित्रले मन, मुटु, दिमाग सबै छोएको र आफ्ना आँखा रसाएको बताएका छन् । उनले लोक संस्कृतिको उच्चतम् समिश्रण समेत चलचित्रमा रहेको जनाएका छन् । हाँस्य कलाकार मनोज गजुरेलले ‘परदेशी २’ नेपाली चलचित्र क्षेत्रमा एउटा कोशेढुंगा सावित हुने जिकिर गरेका छन् । चलचित्रले देशको जल्दोबल्दो समस्या चलचित्रमा यर्थाथ रुपमा प्रस्तुत गरेको भन्दै तारिफ गरेका छन् ।
कलाकार दीपकराज गिरीले परदेशिनेहरुको संवेदनालाई चलचित्रमा देखाइएको बताउँदै निर्देशक रायमाझीको प्रस्तुतीकरण शैलीको खुलेर प्रशंसा गरे । उनले रायमाझीको प्रस्तुतीकरणमा आफ्नै खालको मौलिकता भेटिएको र त्यो मसला खालको चलचित्र भन्दा फरक रहेको बताएका छन् । यस्तै लोक गायिका शान्तिश्री परियारले चलचित्र भित्र हाँसो र रोदन दुवै रहेको र आफू कति ठाउँमा गहभरी भएको बताइन् ।
चलचित्रमा प्रकाश सपूत, केकी अधिकारी, वर्षा सिवाकोटी, दिलिप रायमाझी, प्रशान्त तामाङ्ग लगायतका कलाकारको अभिनय रहेको छ ।
New Releases (Baishak 21)
-
Mansara
Director : Upendra Subba
Casts : Dayahang Rai, Miruna Magar, Menuka Pradhan, Prabin Khatiwada, Shanti Giri
Next Releases (Jestha 10)
-
Pujar Sarki
Director : Dinesh Raut
Casts : Aaryan Sigdel, Pradeep Khadka, Paul Shah, Anjana Baraili, Parikshya Limbu -
Farki Farki
Director : Suyog Gurung
Casts : Anmol K.C., Jassita Gurung, Ravi Kafle, Samriddhi Aryal