Love Station
Feature Film Love StoryApr 05, 2019Hall Release
News
मेघालाई भेट्न पुगे प्रदिप, लभ स्टेशनले गर्यो एक लाख सहयोग
चलचित्र लभ स्टेशनको टिमले करेन्टबाट दुई हात गुमाएकी मोरङकी मेघा घिमिरेलाई आर्थिक सहयोग गरेको छ । बुधबार दिउँसो उनकै डेर भक्तपुरमा पुगेको चलचित्रको टिमले १ लाख रुपैयाँ सहयोग प्रदान गरेको हो । अभिनेता प्रदीप खड्का, अभिनेत्री जसिता गुरुङ, निर्माता गोविन्द शाही र संगीतकार एलिस कार्की मेघा भेट्न पुगेका हुन ।
मेघाले आफुलाई मन पर्ने कलाकार प्रदिप खड्का भएको भन्दै उनलाई भेट्ने इच्छा व्यक्त गरेकी थिइन । दुबै हात गुमाएकी मेघाको हात राख्नको लागि आर्थिक सहयोग जुटाउन महत्वपूर्ण भूमिका खेलेका कलाकार शिशिर भण्डरीको पहलमा प्रदिपले मेघालाई भेटेका हुन । सो अवसरमा भण्डारीको पहलमा जम्मा भएको ४ लाख समेत प्रदिपकै हातबाट मेघाको परिवारलाई प्रदान गरिएको छ ।
मेघासँगको भेटपछि प्रदिपले आफुले सोचेको भन्दा उनी निकै फरक र शाहसिक पाएको बताउका छन् । यस्तै अभिनेत्री जसिताले पनि मेघाको हात राख्ने चाहना चाँडै पुरा होस भन्ने कामना गरिन् । यता प्रदिपलाई भेट्न पाउँदा मेघा निकै खुशी देखिएकी थिइन ।
चैत्र २२ गतेबा प्रदर्शन हुने चलचित्रलाई उज्ज्वल घिमिरेले निर्देशन गरेका हुन् । चलचित्रमा प्रदीप र जसितासँगै रमेश बुढाथोकी, प्रकाश शाह, रेशु भट्टराई, बिनोद कुमार पौड्याल, प्रिया रिजाल, सरु बिष्ट, रवी डंगोल, दिनेश काफ्ले, कालु रानालगायतका कलाकारको अभिनय रहेको छ ।
लभ स्टेशनलाई काफिया फिल्मस्को व्यानरमा काफिया शाही (क्रिसु) र कविरबिक्रम शाहीले निर्माण गरेका हुन् । आलोक शुक्लाको छायाँकन रहेको चलचित्रमा शम्भुजीत बासकोटा, दीपक शर्मा, राजनराज शिवाकोटी र एलिश कार्कीको संगीत छ ।
New Releases (Chaitra 9)
-
Mahajatra
Director : Pradip Bhattarai
Casts : Hari Bansha Acharya, Bipin Karki, Rabindra Singh Baniya, Rabindra Jha, Divya Dev
Next Releases (Chaitra 30)
-
Degree Maila M.A. 3rd Class
Director : Ram Babu Gurung
Casts : Dayahang Rai, Aanchal Sharma, Maotse Gurung, Prakash Ghimire, Buddhi Tamang